martes, 2 de julio de 2019

Urduliz "deseukaliptizatzen". Ekainak 30.


Pasa den igandean, 34 lagun bildu ginen Santa Maria parrokiako aparkalekuan (Urdulizen). Han, 2017tik zaintzapean daukagun lursail batean, eukaliptoaren berragertzea kontrolatu eta berreskuratzen ari gara. 

 
Agian, noizbait entzun duzue halako astakeria: eukaliptoa ingurumen balio handiko zuhaitza dela. Entzunda daukagu: uraren erabileran eraginkorra dela; landaketa jasangarria dela, biodibertsitatea sortzen duela, suteen arriskua txikitzen duela, espacio naturalak berriak sortzen dituela, lursoruak berreskuratzen dituela, paisaia aberasten duela…😶 Bai, hala esan zuen eukaliptoari lotutako enpresa-talde batek. Nola ez...


Baina, ikerketen arabera, egia hauxe da: beste edozein landaketa baino gehiago, eukalipalek murriztu egiten dute biodibertsitatea, lurrak pobretu egiten dituzte, higadura bultzatzen dute eta ekosistema naturalen dinamika aldatzen dute, basoko fauna kaltetzen dutela ere (hemen ikusi dezakezue artikulua). Horregatik, lur hau, bertako basoko espezieekin berreskuratzea da hain garrantzitsua.


Lan egin genuen lurrak hektarea bat dauka eta mendi magalean dago. Beraz, pixka bat ibili behar izan genuen, baina gure boluntarioek ondo gosaldu zuten eta eukalipto hauen aurkako borroka dibertigarri hau egiteko motibatuta etorri ziren. Ale batzuk bost metroko altuera baino gehiago zuten!. Zorionez, beroa izan zen arren, egun iluna izan genuen eta horrek lagundu zuen gure borrokalari indartsuak.
 






Eta gero, merezitako saria etorri zen, nola ez! Patatazko tortilaz eta angurriaz osatutako hamaiketako gozoa  😋


Goiz bakar batean amaitzeko ezinezkoa zen eremua, beraz, lan asko egin behar da oraindik eta gonbidatzen zaituztegu datorrenerako!

Eta eskerrik asko Gotzoneri bere lurretan lan egiteko baimena emateagatik!

Dakizuen bezala, denboraldi honetan, gure jardunaldietara joateko sortzen dugun CO2 isurketaren kalkulua egiten ari gara. Igande honetan 680 kg izan ziren. Datorren urtean landaketa bat egingo dugu aurten egindakoa konpensatzeko.


Jardunaldi hau Naturazale priektuaren barne dago.



No hay comentarios:

Publicar un comentario