jueves, 27 de octubre de 2016

Itsasaldera goaz! Aninatzen al zara?


Dakizuen bezala, duela urte batzuk, itsas hondakinek eta plastikoak kostaldean eta itsaso zabalean egiten duten inpaktuaren kontzientzazioa bueltatzen ari gara. 

Gure hurrengo boluntariotza jardunaldian (Abenduak 3) parte hartzera animatzen al zara Gaztelugatxeko Doniene hondakin eta itsas zaborrez garbi uzteko?
 

Beste urteetan bezala, gure lan eremua Gaztelugatze Donieneko kalak izango dira, aurten jardunaldia Bermeoko udalarekin elkarlanean egingo da. Ingurune zoragarri hau 1988an Itsas Biotopo Babestua izendatu zuten eta 2013an, 358/2013 ekainaren 4ko dekretuaren bidez, Kontzerbaziorako Toki Berezia (ZEC) bilakatu zen. Eremu hau Hegaztien Protekziorako Toki Bereziaren (ZEPA ES0000144 Urdaibaiko Itsasadarra) barne dago baita ere, ornitologi-garrantzi handia duelako Europa mailan. Garrantzi horren arrazoiak bi dira: hegazti migratzaileentzako atsedenaldirako geldialdia dela batetik; eta bestetik, negupasa erregularreko ingurunea delako.


Betiko moduan, lehenengo eta behin, itsasoaren kutsadurari buruzko hitzaldi bat emango dugu, gero garbiketa lanak zelan egin behar diren azalduko dugu eta beharko diren materialak banatuko ditugu. Ondoren, lekura oinez jaitsiko gara eta lanean hasiko gara. Gure helburua: marearteko zabalgunea hondakinez libre uztea! kalak 12 hektarea izango ditu eta hor aurkitzen dugun guztia aterako dugu: zokak, sareak, arrantza-aparailuak eta beste hondakinak.


Animatzea espero dugu, toki berezi hontaz gozatzeko aukera izango duzulako eta gainera inguruan aurkitzen diren itsas flora eta fauna ere ezagutzeko aukera izango duzulako.


Geralekua Gaztelugatxe ondoan dagoen Eneperi jatetxearen aparkalekua izango da, goizeko 09:30tan. Hortik oinez jeitsiko gara guztiok batera. Jardunaldia egun osokoa izango da, bazkaria eta behar den materiala guk eramango dugu.
Gomendio batzuk: 
  • Oinetako erosoak ereman (labaintzen ez dutenak eta busti daitezkeenak)
  • Arropa erosoa eta aldatzeko arropa (badaezpada ere)
  • Jardunaldiaren zehar edateko likidoa eraman

Gogoratu, parte hartzeko EZINBESTEKOA DA izena ematea. Email bat bidali dezakezue info@lurgaia.org posta elektronikora. Apuntatzerakoan izen-abizenak, adina eta kontakturako telefono bat eman mesedez.

Parte hartzera animatzen zaitugu!!!

Zure zain egongo gara!!!!

No hay comentarios:

Publicar un comentario